Kalittokai 65 [A]

((Originally extracted from master file ^KALI.OCP))

((Last updated on 2010 October 11th))

PDF [AR edition]

Metrical description (AR, pp. 395):iḵtu oruporuṇutalātu aṭiyikantu taḷaiviravi vanta kaliveṇpāṭṭu

• {KALI 65-1} tiruntu iḻāy kēḷāy nam ūrkku ellām cālum
• {KALI 65-2} peru nakai alkal nikaḻntatu oru nilai ē
• {KALI 65-3} maṉpatai ellām maṭinta irum kaṅkul
• {KALI 65-4} am tukil pōrvai aṇipeṟa taii nam
• {KALI 65-5} iṉ cāyal mārpaṉ kuṟi niṉṟēṉ yāṉ āka
• {KALI 65-6} tīra taṟainta talai um taṉ kampal um
• {KALI 65-7} kāra kuṟaintu kaṟaippaṭṭu vantu nam
• {KALI 65-8} cēriyiṉ pōkā muṭa mutir pārppāṉai
• {KALI 65-9} tōḻi nī pōṟṟuti eṉṟi avaṉ āṅku ē
• {KALI 65-10} pārā kuṟaḻā paṇiyā poḻutu aṉṟi
• {KALI 65-11} yār ivaṇ niṉṟīr eṉa kūṟi paiyeṉa
• {KALI 65-12} vai kāṇ mutu pakaṭṭiṉ pakkattiṉ pōkātu
• {KALI 65-13} taiyāl tampalam tiṉṟi ō eṉṟu taṉ
• {KALI 65-14} pakku aḻittu koṇṭī eṉa taral um yātu oṉṟu um
• {KALI 65-15} vāyvāḷēṉ niṟpa kaṭitu akaṉṟu kaimāṟi
• {KALI 65-16} kaippaṭukkappaṭṭāy ciṟumi nī maṟṟu yāṉ
• {KALI 65-17} ēṉai picācu aruḷ eṉṉai nalitariṉ
• {KALI 65-18} i ūr pali nī peṟāamal koḷvēṉ
• {KALI 65-19} eṉa pala um tāṅkātu vāy pāṭi niṟpa
• {KALI 65-20} mutu pārppāṉ añciṉaṉ ātal aṟintu yāṉ eñcātu
• {KALI 65-21} oru kai maṇal koṇṭu mēl tūva kaṇṭu ē
• {KALI 65-22} kaṭitu araṟṟi pūcal toṭaṅkiṉaṉ āṅku ē
• {KALI 65-23} oṭuṅkā vayattiṉ koṭum kēḻ kaṭuṅkaṇ
• {KALI 65-24} irum puli koṇmār niṟutta valai uḷ ōr
• {KALI 65-25} ētil kuṟu nari paṭṭaṟṟāl kātalaṉ
• {KALI 65-26} kāṭci aḻuṅka nam ūrkku elāam
• {KALI 65-27} ākulam āki viḷaintatu ai eṉṟum taṉ
• {KALI 65-28} vāḻkkai atu āka koṇṭa mutu pārppāṉ
• {KALI 65-29} vīḻkkai perum karum kūttu